惡零退散

婚前緊張到死...坐立不安都莫講話食...
睡眠質素簡直差...結婚當日差到瘡瘡都起左粒..

可能婚前抑壓太久...惡魔要來個大爆發...
正所謂心廣體胖, 個人立即發福, 仲好想食...
完全勁食停不了!

婚後頭1個月內好幾頓大聚餐!
任食日式燒肉、任食日式自助餐、怒食剌身Pizza

明明婚前可以好幾個星期食麥皮早餐的我..
現在每天都好想買個包 or 豐富早餐食下...

明明婚前那3pack極邪惡的kinda繽紛樂可以安然在桌面放上3星期
但婚後2天就被人打包入左個肚...

我還被無數邪惡零食附身!!!
未到12點就口痕, 3點鐘又口痕, 6點放工再口痕
返到屋企未有飯食又口痕..

剛剛的lunch,
飯前我食左幾粒西梅乾打算幫忙滑腸消化
但食完正餐+生果未夠15分鐘...
我又想開包薯片食..結果當然係開左兼食左...

勁食、不停食之餘, 正餐都沒有減少過...
為著和親親薯生食晚飯..
以前5日只食2日晚飯的我..現在食足4天
我要澄清, 我不是升仙無食飯...
只係會在放工時間已經食了輕食 , 8時後都不再食飯而已

家中較為特殊是大家回出晚歸..不如全職主婦
放工返屋企都7.30pm, 洗洗切切加埋煮
最早要8.30pm or 有時9點才有晚飯食..
然後當個食飽飽沖涼睡覺的乖寶寶
可愛的BB都是有塊肉騰騰肥面, 加個圓嘟嘟的肚波
想當個肥肥白白的寶寶就9點才食晚飯吧!!!

剛剛上磅, 婚前用2個月減掉3磅的我...
現在2個月過後都食足3磅..如此長食下去實在不堪設想...

雖然零食確實好邪惡, 但萬惡錢為首!
今個月要交的保險費真係"金"到不得了..
想著往後日子的零用錢數字...按住計數機都無胃口..
零食呢樣"無厘沙啦野" 都要行開一邊...

所以下星期開始, 我要開始做運動,兼減食零食了!!!
願我可以用念力把惡"零"退散!!!  做個健康寶寶!!!