假期前夕, 我就要渡過一個長長週的上班星期六
而薯生要去做兄弟, 做足成日柴可夫
所以假期第一日, 佢有佢睡死, 我有我煲劇
總之成日無鬼聊聊咁休息一下
到黃昏, 我就好乖做個家庭煮婦
去街市買菜, 下廚煮個兩菜一湯二人餐
整左"蒜泥粉絲蒸大蜆" & "韓式泡菜豬肉餅"
雖然個湯係前一晚餘下的鹹菜苦瓜湯..
但鹹菜苦瓜湯係要隔過一晚夜至夠入味架!!
本來買好韮菜, 打算整韮菜餅, 但現已夠食就留下次再煮
飯後一邊大富翁中秋大戰, 一邊煮個腐竹雞蛋糖水
今期我係中秋女王啦....連勝兩局...仲要係令薯生慘敗!!
hahahahahhaha~~~~
薯生極之不滿, 差點連糖水都飲唔落...
* * *
接著國慶日, 我決定要出走一下, 要去呼吸新鮮空氣,
等薯生睡到日上三竿, 一起床就匆匆決定要去踩單車!!
來個韓風早餐, 食完立即起行!
759熱賣韓國芝士麵+昨晚餘下的"韓式泡菜豬肉餅"
今日天陰有雲有風，秋高氣爽最適宜去吹吹風
山長水遠入到大埔去踩單車
但今日真是人頭湧湧，滿街都是人
連單車大部分都已出租
走了三間單車鋪，都說沒有車....
最後一間肯開一部新淑女車給我才租得成
但租車費比平時貴好多....合共要$250!!
不過難得出來一遊, 都要玩下...
踏著單車, 發覺原來我和薯生從未在香港踩過
對上一次是在北京民宿租了單車一同夜遊北京
看一家大小在草地上放放風箏, 大家的裝備都很pro., 有大大個線輪掛在身上!
小時候都常常和家人/五叔他們一同BBQ兼放風箏..好開心架!!
但已經好好好多年前了.....要找個機會再一同玩過....
轉向去吐露港途中, 看到雪糕車又停下買雪糕獎勵下自己
嘩...我發覺原來有冰菠蘿外, 還有冰蜜桃/冰芒果
我買冰蜜桃試下...都ok喎...
薯生忽然跟我講, 他的單車坐墊很小
令他大而結實的屁屁很受罪 !
看我踩得很輕鬆自在很羨慕....
我曾經想回去交車的最後一段路跟他換車踩一下
但個坐墊實在太高, 連個車架都剛剛在我胯下
連上車都有難度.....
沒有辦法...."淑女"就只適給踩「淑女車」嘛...
Please call me "Lady NANA" ...HOHOHOHOHO~~~~~~~~~
日落黃昏, 回去交車以後,在大埔找吃
無意中撞到出名的「亞婆豆腐花」,當然要食碗至走
然後見到燒鵝茶餐廳...價錢挺貴....要$40碟燒味飯..
最後只可說得燒鵝好味,但食多兩啖就覺得肥, 叉燒很普通...燒肉簡直不好味.......
中秋節的月光又大又圓~
回去尚早, 還趕得及邊看煙花邊又大富翁大戰
不過基本上無睇到.....只掛住玩....
* * *
長假期最後一日, 薯生和皇爺集團來個中午茶聚
食飽飽一齊做有意義的捐血活動!!
之後就上人家屋企搗亂...打機看看漫畫又一晚啦~
P.S.
這個本應很開心的假期,發生了數宗慘劇
有人游泳失蹤, 有人離奇墜樓, 還有最嚴重的撞船事故
只希望各死者能夠好好安息...朋友家人能夠盡快走出傷痛
沒有留言:
發佈留言