中秋飯局

中秋期間因為長假期, 兩家長老們都全都出動回鄉不留港
薯媽咪的大哥要娶新抱,本來薯生和我都要結伴出席
但因為薯生要做兄弟,只餘薯爸媽做代表

而我家兩老就一早約左兄弟們去遊山玩水
又問我取了婚紗片/成長片段DVD, 順便回鄉探親
大家各自有節目HAPPY一番...

所以今個星期日就補食中秋飯
大家開開心心食一餐.....
平常薯家十年如一日, 菜心/鯇魚必備之外, 就是豬/雞/燒鵝
薯老們不愛出街食...亦很少特意做節...
薯爸除了蛇/羊之外, 海鮮都鍾意
所以薯生打算買大閘蟹回家孝敬兩老

當然要買好菜, 就要跟我家的格價專員就至抵買
跟爸爸去了旺角街市 / 塘尾道那邊走一轉
買了$120/5隻大閘蟹, $5/3個新鮮出爐菠蘿包
仲有$10/5個木瓜, $10/5個鴨梨
那邊的生果真的太便宜, 我還有好兩款好想買啊.....
但奈何實在太重.....所以作罷...

我兩老今晚去五叔屋企十十下...
買10隻大閘蟹之餘,
又忍不住買了半隻潮州滷水鵝, 再加鵝翼/鵝腸/滷豆腐
如果今晚不是要做節, 一定跟去食餐勁.....

買完菜又要去買部洗衣機...
薯生屋企洗衣機壞了, 要換一部要傾兩星期才可以決定買
因為兩老都不捨得買部好些, 又想維修, 又想買二手, 又想執一部之類...
老一代都是較為節儉...其實也是一種美德...也較懂得珍惜

買洗衣機都有沖涼液/洗手梘液,還有毛毯!
今日可說是滿載而歸~~~~~~~~

今年中秋我沒有買月餅給薯媽薯爸
因為全家只得薯媽會食, 而每年我都要幫口食
實在年年有餘.....

所以我決定買了即食鮑魚, 加熱就OK!
買兩條菜烚好..再把鮑魚鋪上面, 簡單方便又好味
鮑魚、大閘蟹之外, 還有鹹魚蒸豬肉、豉油雞、白菜, 好豐富!!


最後小小心意每人送張超市現金劵, 希望兩老開開心心



總然生活上有任何不愉快...
只要面帶笑容, 努力令自已和身邊人開心
愉愉快快吃餐飯, 其實這樣就很好了....