聖誕後遺症

今年聖誕節有兩日去左朋友仔屋企開P
大家無無聊聚下都好開心
食足3日大魚大肉, 心廣體胖無煩惱~~~
聖誕除左好開心以後, 就留返一堆肥肉囉......

這次又來個開蠔宴...YOYO~~~~


不過最貴那款Pinky竟然整左2隻發育不良蠔..
$35隻蠔, 竟然有2隻得1蚊SIZE大小! 有無攪錯!!
直情好想投訴完全貨不對辦!!


但其實我以前直情討厭生蠔, 煮熟的蠔OK, 亦鐘意蠔豉陣味
全因小時候跟父母去食自助餐, 忚們可以怒食30隻或以上
好奇之下含過美國生蠔一次, 成隻嘔返出黎, 好有陰影..
不過人大了, 覺得自助餐裡面最值錢係生蠔, 應該要再嘗試一下
嘗試理解一下究竟為何有人會為蠔癲狂?

我份人其中一樣稍為好的地方, 有時候會肯去克服一下自己弱點..
連最討厭的牛奶, 因為發育時期想增高, 而每朝迫自己飲一包...
好似細個唔愛食嘅杏仁霜、皮蛋, 現在都愛上了
SO...我最終都克服到生蠔, 體會到那陣鮮味, 現在每次都會食4-5隻
不過那款超大隻美國生蠔, 我仍然未再挑戰過...終有一天啦...

這個聖誕節也有在家中自煮聖誕大餐, 和薯生/薯豬媽一齊過..
人少少食唔到火雞, 食隻香草焗雞都不錯~~
加個羅宋湯通粉, 帶子吞拿魚沙律小食...yummy~


而今年又多一個好姊妹有小朋友! 有人頂個大肚開Party
下年又多一個BB玩下......
薯生忽然覺得好感觸, 話一眨眼就十幾年過去

對啊!! 我常常都覺得自己大得太快, 好像好多事未做到就步入中女行列
明明前兩年還覺得自己是25歲~ 嘻嘻...