齊齊食腳趾 (沙薑雞腳)

小時候晚餐要加餸, 總會走到樓下街市的燒味店斬兩舊叉燒,配條紅腸
燒味店總會有一堆Eye catching 的橙色滷水在呼喚你~~~
那些生腸、墨魚鬚:「來買我啦~ 來買我啦~」
而我就趁機嚷著要個小食, 因為生腸、墨魚鬚相對較貴
所以我只可要那染得橙色的雞爪, 加上帶酸的甜醬 / 芥醬, YUMMY!!
老實說, 其實是出於想食醬才吃雞爪
不過我自此就喜歡慢慢"Lun"腳趾, 那彈牙的皮和腳筋, 正!!
長大後在街上不可不顧儀態地食腳趾, 就改吃我超愛的滷墨魚鬚和生腸了!

 

去茶樓當然不少得那豉椒鳯爪, 每次去到必點蝦餃以外的首選, 我的至愛之一~~
近年的酒樓亦得高級了, 出了鮑魚燒賣, 鮑魚撻之類的點心
同事們喜歡就喜歡點鮑汁鳯爪, 餘下的鮑汁用來吃配飯, 很不錯!

中式以外, 泰式的酸辣無骨鳯爪, 亦都是非常開胃醒神的佳作!

*   *   *   *   *   *   *   *   *   *   *   *   *

前兩日家中忽然多了包急凍鳯爪, 勾起我的「鳯爪狂熱」
媽媽本打算用來煲雞腳木瓜湯...但實在太浪費了! 立即被我否決!
昨天放工就立即去買了樽沙薑粉回家, 來個「沙薑雞腳」~~~~

食譜係參考MAY姐, 但再稍作調整
今次我整左廿多隻, 調味份量相對加倍, 改用壓力煲整, 好快有得食!
 

沙薑雞腳 (參考MAY姐) 

材料:
雞腳 10隻

煲雞腳調味料:
薑 2片、雞粉 3湯匙、胡椒粉/鹽各 1茶匙、沙薑粉 1湯匙
(我鐘意加葱段,喜歡那葱香味)

調味料：
沙薑粉 1湯匙、胡椒粉 1茶匙、麻油 2茶匙
(我改落1-2湯匙麻油 , 再加少許五香粉、鹽 1茶匙, 會更好味) 

做法:
1.洗淨雞腳，用刀批走黃色鱗片，用鉸剪剪去腳甲。不用新鮮, 用雪藏也可以。
2.煲滾水，下雞腳汆水 1-2分鐘後撈起。用冷水沖, 有冰塊浸一下更好
  (用新鮮的可不加薑出水, 但我用雪藏雞腳, 加薑2片去除雪味)
3.將雞腳放入煲，加水至蓋過雞腳面，加薑2片、雞粉、胡椒粉、鹽、沙薑粉、葱段，

用大火煮滾，轉中火冚蓋煮約 1小時至腍身，撈起瀝乾。
4.將調味料拌勻，趁熱加入雞腳拌勻便成。

壓力煲製法：
1-2) 同上步驟相同
3）壓力煲加入水及調味，煲滾後加入雞腳、葱段，加蓋，蒸氣噴出後轉小火煮15分鐘
4）同上步驟相同