爆肚

近來終於食到爆肚啦.......
結婚後不停的食食食的放縱後換來的結果是脹爆左..
日前早上終於上磅一看....嘩!! 肥左15磅...真係嚇親!!

話自己唔停口都已經好幾次...
一拖再拖, 仍然繼續做一隻懶洋洋的小豬...
去Annual dinner 係爆肚的情況下, 失去理知地不停放野入口...
結果當晚個肚嘰嘰咕咕個不停, 隔日仍是....
「有入無出」的情況實在令人苦不堪言!!

第三日早餐, 我出動三寶"麥皮、香蕉、奶茶"
終於順利成功解決左爆肚的情況...
奶茶對我來講都幾work..每次飲都可以身心舒暢~~

我已經決定要開始減食了!!
要和我那些豐富的早、晚餐say bye bye!
早餐近日都已經開始慢慢地轉回食麥皮、生果了..
逐步令身體適應。

今個星期六要去BBQ...又少不免大吃大喝...
下星期要食1-2日的生果餐+輕食去清一下腸胃..
再附加2晚超過30分鐘的運動。

希望我能在一個月內減回7-8磅....2-3個月回復以前體重!!
加油!!!!!!!!!!!!!!!!!!!!!!